(Madda Oduu ABO/MOA/Fulbaana 6, 2009) Sab-boontonni Oromoo Maadheelee 12n, maadhee Tumsa tokkummaa jalatti gurmaa’an marii dhimmoota QBO irratti fuulleeffatte gaggeeffatan milkiin xumurachuun ibsa ijjannoo qabxiilee garaa garaa of keessaa qabu baafataniiru.
Ibsa isaanii kanaanis gochaa Wayyaaneen yeroo ammaa itti jiru kan Walgahii fi Seeminaaraan ummata mudduu balaaleffatan. Kana malees dhaabbileen gargaarsaa fi mirgoota dhala namaaf dhaabbatan ummata Oromoo beelaan dhumataa jiruu fi sirna Wayyaaneetiin hiraarfamaa jiruuf akka dirmtan waamicha goona jedhan.
Tarkaanfii gootichi WBO godina bahaa diina irratti fudhataa jiru ni deeggarra kan jedhan sab-boontonni Oromoo kunniin, ABO bira dhaabbachuun wareegama feessisu baasuuf qophii tahuu eeran.
Itti fufuudhaan walgahii fi mariilee ABOn biyyoota alaatti ummata Oromoo waliin taassisuu kan itti gammadan tahuu ibsanii, ummanni Oromoo qaanii keessa jiru keessaa bahuuf tokkummaa isaa akka jabeeffatu dhaamaniiru.
Dhuma irratti ummanni Oromoo Wayyaaneedhaan hiraarfamaa waan jiruuf, sadarkaa danda’u hundatti akka waliif dirmatu yaamicha godhanii jiran, sab-boontonni Oromoo maadheelee 12n, maadhee Tumsa Tokkummaa jalatti gurmaa’an ibsa ijjannoo baafataniin.
MOA
